Մրինալ Սեն

Մրինալ Սեն
Մրինալ Սեն
Ծննդյան թիվ՝	մայիսի 14, 1923
Ծննդավայր՝	Faridpur, Բենգալյան նախագահություն, Բրիտանական Հնդկաստան, Բրիտանական կայսրություն
Վախճանի թիվ՝	դեկտեմբերի 30, 2018 (95 տարեկան)
Վախճանի վայր՝	Կալկաթա, Հնդկաստան
Քաղաքացիություն՝	Հնդկաստան
Մասնագիտություն՝	կինոռեժիսոր, քաղաքական գործիչ, ինքնակենսագիր, սցենարիստ և գրող
Պարգևներ՝	Դադասահեբ Ֆալկեի մրցանակ և Կալկաթայի համալսարանի պատվավոր դոկտոր
IMDb։	ID 0784019
mrinalsen.org

Մրինալ Սեն (բենգալի` মৃণাল সেন, մայիսի 14, 1923(1923-05-14)^[1]^[2], Faridpur, Բենգալյան նախագահություն, Բրիտանական Հնդկաստան, Բրիտանական կայսրություն - դեկտեմբերի 30, 2018(2018-12-30)^[3]^[4], Կալկաթա, Հնդկաստան^[5]), հնդիկ կինոռեժիսոր և սցենարիստ, նկարահանում է հիմնականում ֆիլմեր բենգալերեն լեզվով։ Հանդիսանում է այսպես կոչված «զուգահեռ կինոյի» (Արտհաուս) ներկայացուցիչներից մեկը Հնդկաստանում, որն ի տարբերություն բոլիվուդյան ֆիլմերի, կյանքը ներկայացնում է իրականորեն և շոշափում սոցիալական սուր խնդիրներ։ Կինեմատոգրաֆիայի զարգացմանն ուղղված ներդրումների համար պարգևատրվել է մեծությամբ երրորդ կառավարական Պադմա Բհուշան և հնդկական կինոյի բարձրագույն՝ Դադասահեբ Փհալկեի անվան պարգևներով, յոթ անգամ արժանացել է Ազգային կինոմրցանակի՝ որպես լավագույն ռեժիսոր և սցենարիստ։

Կենսագրություն

Մրինալ Սենը ծնվել է միջին բուրժուական ընտանիքում, ուր տիրում էր հակակայսրական տրամադրություն, մերժվում էր կաստայական հիերարխիան և կրոնական խավարամտությունը։ Ուսումն առել է Կալկաթայում և շարունակել այնտեղի համալսարանում։ Ուսանողական տարիներին մոտ է եղել Հնդկաստանի կոմունիստական կուսակցության շրջանակներին, սակայն երբեք չի անդամագրվել այդ կուսակցությանը։ Ուսումնառությունից հետո իր ուժերը փորձել է բժշկության մեջ, եղել է լրագրող, իսկ հետո ընտրել կինեմատոգրաֆիան։ Որոշ ժամանակ զբաղեցրել է Կալկաթայի կինոստուդիայի հնչյունային մասնագետի պաշտոնը։

Իր առաջին՝ «Արևածագից առաջ» կինոնկարը նկարահանել է 1955 թվականին, որտեղ գլխավոր դերը կատարել է հայտնի դերասան Ուտտամ Կումարը։ Ֆիլմը չի պահպանվել, սակայն ըստ Մրինալ Սենի, այն չհաջողված ֆիլմ էր^[6]։ Հաջողությունը նրան ժպտաց միայն իր երրորդ՝ 1960 թվականին նկարահանված «Հարսանիքի օրը» ֆիլմի համար, որը նրան բերեց միջազգային ճանաչում։ Մրինալ Սենի համբավը ամրապնդվեց 1969 թվականին նկարահանված «Բհուվան Շոմ» ֆիլմով։ Դա Հնդկաստանում «նոր կինոյի» առաջին ֆիլմերից մեկն էր^[7]։ «Բհուվան Շոմ»-ը Մրինալ Սենին արժանացրեց Ազգային կինոմրցանակի՝ լավագույն ռեժիսոր կատեգորիայում։ Նրա հետագա ֆիլմերը զուտ քաղաքական թեմաներով էին։ Այդ ընթացքում նա ստացավ իր միջազգային պարգևների մեծ մասը։ Իր վերջին ֆիլմը Մրինալ Սենը նկարահանել է 2002 թվականին՝ 80 տարեկանում («Իմ հողը»)։

Մրինալ Սենը ստանալով միջազգային ճանաչում, ընդգրկվել է մի շարք միջազգային կինոփառատոնների ժյուրիի կազմում։ Նա նշանակվել է Հնդկաստանի խորհրդարանի վերին պալատի պատվավոր անդամ (1998-2003 թթ.), Հնդկաստանի մի շարք համալսարանների պատվավոր դոկտոր է։ Նրա մասին նկարահանվել են մի քանի վավերագրական ֆիլմեր։

Ֆիլմագրության ընտրանին

Թվական	Անվանում	Բնօրինակ անվանում
1955	Արևածագից առաջ	Raat Bhore
1958	Երկնագույն երկնքի ներքո	Neel Akasher Neechey
1960	Հարսանիքի օրը	Baishey Shravana
1961	Վերջաբան	Punascha
1965	Ամպերից վեր	Akash Kusum
1966	Հողի մարդը	Matira Manisha
1969	Բհուվան Շոմ	Bhuvan Shome
1971	Հարցազրույց	Interview
1971	Կալկաթա 71	Calcutta 71
1975	Երգչախումբ	Chorus
1977	Թագավորական որս	Mrigayaa
1977	Մարգինալներ	Oka Oori Katha
1979	Խաղաղ օրն սկսվում է	Ek Din Pratidin
1979	Պարաշուրամ	Parashuram
1981	Սովի անատոմիան	Akaler Sandhane
1981	Գեղադիտակ	Chaalchitra
1982	Դատական գործը դադարեցվել է	Kharij
1984	Փլատակներ	Khandhar
1985	Գենեզիս	Genesis
1989	Օրն սկսվեց	Ek Din Achanak
1989	Քաղաքային կյանք	City Life
1994	Անելանելիություն	Antareen
2002	Իմ հողը	Aamaar Bhuvan

Ծանոթագրություններ

↑ ^1,0 ^1,1 Encyclopædia Britannica
↑ ^2,0 ^2,1 Բրոքհաուզի հանրագիտարան (գերմ.)
↑ ^3,0 ^3,1 ^3,2 Legendary filmmaker Mrinal Sen passes away at 95 // The Times of India — 2018. — ed. size: 3321702 — ISSN 0971-8257
↑ ^4,0 ^4,1 ^4,2 Bibliothèque nationale de France data.bnf.fr (ֆր.): տվյալների բաց շտեմարան — 2011.
↑ Sen, Mrinal // The International Who’s Who 2004. — London: Europa Publications, 2003. — xix + 1888 p. — (The International Who’s Who, vol. 67). — ISBN 978-1-857-43217-6 — P. 1518.
↑ Кино Индии / Редколлегия: Л. М. Будяк, Е. С. Громова, В. М. Муриан, Р. П. Соболев, И.А. Звягинцева. — Москва: Искусство, 1988. — С. 252-278. — 288 с.
↑ Suresh Kohli (2012 թ․ մայիսի 12). «Bhuvan Shome (1969)» (անգլերեն). The Hindu. Վերցված է 2014 թ․ սեպտեմբերի 9-ին.

Վիքիպահեստն ունի նյութեր, որոնք վերաբերում են «Մրինալ Սեն» հոդվածին։

[_0f6771dc35d8c6a6-1] 1,0 ^1,1 Encyclopædia Britannica

[_d4089223fec9dcb2-2] 2,0 ^2,1 Բրոքհաուզի հանրագիտարան (գերմ.)

[_6539803912502ad5-3] 3,0 ^3,1 ^3,2 Legendary filmmaker Mrinal Sen passes away at 95 // The Times of India — 2018. — ed. size: 3321702 — ISSN 0971-8257

[_f2bdadbbe20ddf15-4] 4,0 ^4,1 ^4,2 Bibliothèque nationale de France data.bnf.fr (ֆր.): տվյալների բաց շտեմարան — 2011.

[WhoIsWho-5] Sen, Mrinal // The International Who’s Who 2004. — London: Europa Publications, 2003. — xix + 1888 p. — (The International Who’s Who, vol. 67). — ISBN 978-1-857-43217-6 — P. 1518.

[Кино_Индии-6] Кино Индии / Редколлегия: Л. М. Будяк, Е. С. Громова, В. М. Муриан, Р. П. Соболев, И.А. Звягинцева. — Москва: Искусство, 1988. — С. 252-278. — 288 с.

[The_Hindu-7] Suresh Kohli (2012 թ․ մայիսի 12). «Bhuvan Shome (1969)» (անգլերեն). The Hindu. Վերցված է 2014 թ․ սեպտեմբերի 9-ին.

[1]

[2]

[3]

[4]

[5]

[6]

[7]